Zëvendësministri Hysen Durmishi ka mbikëqyrur sot punimet që po bëhen për t’u funksionalizuar devijimi në kanalin e Ibër-Lepencit, pas sulmit që u krye në të të shtunën.
Durmishi ka thënë se me intensitetin e punimeve që po kryhen aktualisht gjatë kësaj jave do të përfundojë devijimi, ashtu që javën tjetër të fillohet me sanimin e përhershëm të kanalit, shkruan Reporteri.net.
“Në kanalin e Ibër Lepencit po punohet pandërprerë që të funksionalizohet devijimi. Me këtë intensitet të punimeve gjatë kësaj jave do të përfundon devijimi në mënyrë që javën tjetër të fillojmë me sanimin e përhershëm të kanalit”, ka shkruar Durmishi, teksa ka publikuar edhe disa fotografi.
