Donika i mëson diplomaci SHBA dhe BE: Perëndimi u kyç vonë në Ukrainë, mos gaboni edhe në Ballkan

Kryediplomatja e Kosovës, Donika Gërvalla-Schwarz, i ka thënë gazetës amerikane Newsweek se aleatët Perëndimor po rrezikojnë të përsërisin gabimet e njëjta duke mos i dëgjuar paralajmërimet e Kosovës për Serbinë dhe Rusinë në Ballkan.

“Po e them troç, ne e kuptojmë situatën në rajon shumë më mirë se disa prej aleatëve tanë” i ka thënë Newsweek ministrja e punëve të jashtme të Kosovës, Donika Gërvalla-Schwarz.

“Ne po i kuptojmë sinjalet fort mirë. Fatkeqësisht, shumë vëzhgues janë të mendimit se ata e njohin shtëpinë e tyre shumë më mirë se ne. Kjo mund të jetë fatale. Bosnje e Hercegovina, Kosova, Gjeorgjia, Krimea, Ukraina, dhe vende të tjera e kanë dëshmuar këtë”.

Ajo paralajmëroi NATO’n dhe BE’n se nuk duhet të përsëriten gabimet e njëjta si në Ukrainë. Ballkani duhte trajtuar ndryshe e më mirë.

“Ne e dimë rrezikun e eskalimit më mirë sesa disa vizitorë afat-shkurtër dhe zyrtarët në byro larg diku”, tha Shwarz.

Newsweek shkruan se Gërvalla-Shwartz ka thënë se ata duhet të bëjnë një rivlerësim tash në këtë situatë të re të sigurisë duke ju referuar frustrimit të Kosovës me Serbinë.

“Është e qartë se agresioni i Rusisë ndaj një fqinji sovran ka ndryshuar në themel hartën e sigurisë në Europë”, ka thënë Gërvalla-Schwarz.

“E Serbia e Rusia mund edhe të mos ndalen me kaq; ata mund të krijojnë të dytë brenda gjeografisë së NATO’s dhe BE’së, për të na mbajtur të zënë ne dhe pjesërisht për t’iu tërhequr resurset atyre nga lufta e Putinit në Ukrainë”.

Ministrja Gërvalla-Schwarz akuzoi presidentin serb Aleksandar Vucic për dyfytyrësi, që flirton me BE por punon me Moskën.

“Ne po ju paralajmërojmë ju partnerëve dhe aleatëve për rreziqet këtu në terren” tha ajo dhe shtoi: “Këto nuk janë paralajmërime boshe. Kujdesi dhe diplomacia tradicionale nuk janë më të përshtatshme. Ne duhet t’i marrim seriozisht fjalët e tyre.”

Shkoi më tej sipas Newsweek shefja e diplomacisë kosovare “se mund të ketë një tjetër kërcenim të madh të sigurisë nga një gabim tjetër në gjykim. Parandalimi i një lufte duke dërguar sinjale të forta ushtarake është kyç për NATO’n pas gabimeve kolektive në gjykim të ngjarjeve që quan drejt luftës në Ukrainë”.

Newsweek shkruan se ministrja Gërvalla-Schwarz se kosovarët poashtu do të luftonin: “Partnerët dhe aleatët tanë nuk duhet kalkulojë keq se Kosova do të rrinte duarkryq nëse Serbia do të tentonte një inkursion në veri të vendit tonë”.