Në mbledhjen e KQZ-së sot u vendos që diasporës që regjistrohet për të votuar përmes postës, t’iu dërgohen fletëvotimet në adresë të vendbanimit të tyre, të cilin e deklarojnë gjatë regjistrimit.
Gjashtë vota ishin për, ndërsa VV-ja votoi kundër. Për këtë ka reaguar sekretari për çështje organizative i PDK-së, Betim Gjoshi.
Ai ka thënë se ky është një lajm i mirë dhe se “mjeshtrit e manipulimeve nga Vetëvendosje deshtën që ky proces të mos ketë integritet, por të manipulohet lehtësisht duke dërguar fletëvotime me e-maila që nuk dihet në adresë të kujt do të shkojnë”.
Postimi i plotë:
Lajm i mirë nga KQZ për integritetin e votimit të mërgatës.
Bashkëatdhetarëve që do të regjistrohen për votim përmes postës do t’iu dërgohen fletëvotimet origjinale në shtëpitë dhe banesat e tyre.
Mjeshtrit e manipulimeve nga Vetëvendosje deshtën që ky proces të mos ketë integritet, por të manipulohet lehtësisht duke dërguar fletëvotime me e-maila që nuk dihet në adresë të kujt do të shkojnë.