Deputetja e PDK-së pajtohet me qasjen e qeverisë Kurti karshi dokumenteve “non-papers”, thotë se duhet të vazhdojë kështu

Depuetja e PDK-së, Ariana Musliu – Shoshi ka komentuar dokumentet e fundit që kanë qarkulluar në opinionin politik kosovar, siç njihen ndryshe edhe si “non-papers”.

Sipas Shoshit, Qeveria duhet të vazhdojë me këtë qasje, pra duke mos u marrë me to.

“Unë mendoj se qarkullimi i këtyre dokumenteve nuk është i rastësishëm, ato dalin sa herë që duan të bëjnë presion apo të masin reagimin e publikut, por besoj se Qeveria duhet të sillet ashtu siç është sjellur deri më tani. Pra, të vazhdojë me këtë qasje, duke mos u marrë shumë me to”, tha ndër të tjera Shoshi.