Artisti i njohur kosovar, Çun Lajçi ka reaguar pas vendimit të ministrit të Jashtëm Glauk Konjufca, për shkarkimin e Vlora Çitaku nga pozita e Ambasadores në SHBA.
Lajçit nuk i ka pëlqyer aspak shkarkimi i Çitakut, duke thënë se ajo është arma më e fort kundër Serbisë, dhe se është e pazavendsushme, raporton Gazeta Online Veriu.info.
“Vlora duhet t’jetë ambasadore n’Amerikë, deri sa Serbia se njeh Kosovën”./Veriu.info
Postimi i plotë:
Z.Ministër dhe i nderuemi Glauk!
Nuk po t’lutem por po t’shkruej për përsonin, që pavarësisht orjentimeve e bindjeve partiake, e pronto Graboc, ka qenë ma shumë se ambasadore e shumë ma shumë se ministër i punëve t’jashtme. Ka qenë zani ma i artikuluem i Kosovës në Vashington dhe arma ma e fortë n’Kombet e Bashkueme kundër Serbisë. Ket s’mund t’ia mohoni as ju!
E di se ikën 4 vite, por zani i arsyes thotë: Vlora duhet t’jetë ambasadore n’Amerikë, deri sa Serbia se njeh Kosovën!
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Pa çka që s’të don e s’me don? Ajo nuk guxon t’jetë viktimë e punës së keqe të presidentit!
Mos e kthe Vlorën, se nuk e ke edhe nji si ajo!
Përse Llavrov asht kaqë gjatë në t’njejtën pozitë e kryeministri jo?
Për shkak t’sukseseve!
Vlora për momentin asht e pazavendësueshme!
E damton Kosovën nëse e kthen!
