Politikani serb nga Vojvodina, Nenad Canak, është i gatshëm ta pranojë pa asnjë problem pavarsinë e Republikës së Kosovës në emisionin e mëngjesit ‘Tv Happy’, transmeton Gazeta Metro.
Në këtë emision i cili po zhvillohej drejtpërdrejt, Canak është përplasur me gazetarin e emisionit, Milomir Maric.
Canak kishte nxjerrë dhe ka valëvitur flamurin e Katalonisë, rajon ky i cili është duke kërkuar ndër vite pavarsimin nga Spanja dhe ky veprim e ka nxitur gazetarin e emisionit që të reagojë ashpër.
Maric reagoi ndaj një gjesti të tillë duke thënë se Spanja e ka mbështetur gjithmonë Serbinë sa i përket çështjes së Kosovës.
“Mos më shfaq mua propagandë antiserbe, Spanja nuk e njeh pavarësinë e Kosovës”, ka thënë gazetari serb.
Ndërsa, mediat serbe këtë rast po e cilësojnë si skandal pasi që Canak në mënyrë ironike ka thënë se Kosova është pjesë e Serbisë, po aq sa është edhe Holanda.
Siç shkruan ‘Kurir’, Canak përmes një deklarate të tillë e ka pranuar që Kosova në asnjë formë nuk është pjesë e Serbisë.
Bashkëbisedimi i plotë:
Canak: Po Holanda?
Maric: Po Holanda?
Canak: Po në lidhje me Kosovën?
Maric: Kosova është pjesë e Serbisë!
Canak: Kosova është po aq pjesë e Serbisë sa Holanda!
Kur Maric i tha që këto deklarata shkelnin Kushtetutën serbe, Canak u përgjigj se nëse vazhdon të përmendet Kushtetuta serbe, ai do të ishte i dhunshëm në studio. /gazetametro.net
