Historiani dhe themeluesi i LDK’së, Jusuf Buxhovi, në emisionin Pressing të T7, ka thënë se LDK’në nuk e ka themeluar presidenti i Kosovës, Ibrahim Rugova.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Sipas Buxhovit, LDK’në e kanë themeluar 127 anëtarë dhe pa këtë iniciativë kjo parti nuk do të formohej.
“Rugova nuk e ka themeluar LDK’në. LDK’në e kanë themeluar 127 anëtarë që kanë marrë pjesë në mbledhjen e themelimit të partisë. Themelimi i LDK’së i takon 127 anëtarëve”, është shprehur Buxhovi.
Tutje, Buxhovi ka thënë se Rugova mbetet personalitet historik në historinë e Kosovës.
“Rugova mbetet personalitet për dy fakte. Ka qenë president në vitin 1992, në zgjedhjet e para, zgjedhje të cilat kanë qenë referendum. Është përsëritur përsëri në vitin 1998”.
“Mbetet personalitet historik sepse është zgjedhur president 2001-2004”, shtoi Buxhovi./Express