Deputeti i Partisë Demokratike të Kosovës (PDK), Artan Behrami, të premten komentoi intervistën e parë nga qëndrimi në Hagë të Hashim Thaçit si një leksion për politikanët aktual që qeverisin.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Behrami tha të premten se Thaçi, nga izolimi, dha shembull për liderët që, sipas tij, janë të burgosur në pikëpamjet e tyre kamikaze.
“Padyshim që ishte një intervistë emocionale dhe përmbajtësore, një intervistë që dëshmon se edhe në rrethanat e izolimit, edhe në rrethanat e burgut, ai di të frymëzojë, di të japë shpresë, di ta dojë vendin dhe qytetarët që e kanë mbështetur. Vjen kjo intervistë në një kohë kur ne ballafaqohemi me liderë të cilët janë të burgosur në botëkuptimet e tyre kamikaze, të cilët e mbajnë të izoluar Kosovën, të cilët e mbajnë Kosovën në stagnim të plotë. Kjo intervistë vjen po ashtu kur Kosova është e izoluar ndërkombëtarisht, është e izoluar përbrenda dhe e përçarë përbrenda”, tha Behrami.
Tutje, siç raportoi Kosova Press intervista e mbrëmshme e presidentit Thaçi është një dëshmi e gjallë, ku kemi një dallim mes burrështetasve dhe njerëzve që e shikojnë vetëm interesin e tyre.
“Dhe mbrëmë e patëm një intervistë të një burrështetasi, i cili edhe në rrethana burgu, edhe në rrethana izolimi, di të frymëzojë. Presidenti mbrëmë të gjithë neve na mori me vete në qelinë e tij dhe nga qelia e tij na i hapi sytë për një Kosovë e cila duhet të përparojë, për një Kosovë e cila, me shumë sakrificë dhe mund, është bërë e pavarur dhe ka bërë aleanca ndërkombëtare, dhe një Kosovë e cila patjetër duhet të ruhet”, tha ai.
Ndërkaq ai tha edhe se “Kthimi i tij sa më i shpejtë në Kosovë do të ishte jo vetëm një fitore për familjen e tij, një fitore për bashkëpunëtorët e tij, por mbi të gjitha do të ishte një fitore për Republikën e Kosovës”./gazetametro.net
