Sot në ditën Ndërkombëtare të Gruas, bashkëshortja e heroit Agim Ramadani ka kujtuar dhuratën e bashkëshortit për 8 Mars i cili ia kishte dhuruar në Lugano.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Shukrije Ramadani, tha se 8 Marsi është një festë e vështirë dhe e dhimbshme për të gjitha nënat dhe gratë e dëshmorëve.
“Uroj të gjitha nënat dhe gratë e dëshmorëve në këtë ditë që është veçanërisht e rëndë ngaqë secila nga ne kujton momentet e fundit me të dashurit e tanë dhe është ditë e dhimbshme për nënat dhe gratë e dëshmorëve”.
Më tej, ajo shtoi se gjatë ditës i është kujtuar një dhuratë e veçantë që ia bëri Agimi në këtë festë sa ishte gjallë.
“Sot më është kujtuar një 8 Mars kur e kemi festuar bashkë me Agimin në Lugano në një festë dhe më dhuroi një zinxhir me perla që është shume i veçantë. Por, tash e 23 vjet pa të është shumë e vështirë”, tha ajo në Klan Kosovë.
“Gjithë ditës kam punuar në Konsullatë ku ka pasur edhe çifte që janë kurorëzuar. Kjo ditë nuk o festë por punohet njësoj si të gjithë ditët tjera”.
Ajo mes tjerash tregon se ishte shumë e vështirë t’i rriste fëmijët pasi në asnjë mënyrë nuk e zëvendëson Agimin.
Tutje, ajo shtoi se ka qenë e vështirë t’i rriste fëmijët pasi në asnjë mënyrë nuk e zëvendësonin Agimit.
“Shumë ka qenë e vështirë, por, me prezencën time dhe plotësimin e dëshirave dhe kushteve. Jam munduar që maksimalisht ta zëvendësoj Agimin edhe pse është e pamundur, mos prezenca e tij nuk zëvendësohet asnjëherë. Por ,me angazhim dhe përkushtim ndaj fëmijëve kam përmbushur edhe ëndrrën e Agimit edhe timen”.
“Sfidat janë të vështira edhe kur je me bashkëshort e lëre më pa të, edhe fëmijët janë rritur me dhimbje duke parë dhimbjen në sytë e nënave”, tha ajo.
