Deputeti i Lëvizjes Vetëvendosje, Mefail Bajqinovci ka komentuar deklaratën e Kryetari i Federatës së Sindikatave të Shëndetësisë së Kosovës, Blerim Syla, i cili kishte thënë se në një takim kryeministri Kurti i kishte quajtur fashistë Veselin, e Haradinajn.
Bajqinovci ka thënë se kurrë nuk e ka dëgjuar Kurtin duke përdorur një shprehje të tillë.
Këtë ai e thotë me bindje të plotë teksa shton që çdo javë është në takim me kryeministrin.
“Unë nuk besoj që Kurti e përdor këtë fjalorë, unë i kam tri vite që jam çdo javë me to në takim, bashkëpunëtor më i besueshëm, deputet, anëtar i këshillit të përgjithshëm të Lëvizjes, nuk e kam dëgju asnjëherë që Kurti e quan dikë fashistë shqiptar deri më sot”, tha Bajqinovci në Kanal10.