Asnjë i vdekur dhe vetëm 33 raste të reja me COVID-19 janë shënuar në 24 orët e fundit në Kosovë, shkruan Gazeta Metro. Lajmin e ka bërë të ditur ministri i Shëndetësisë, Armend Zemaj, ku ka njoftuar se gjatë 24 orëve të fundit janë shëruar edhe 46 pacientë të tjerë.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
“Ndërsa gjatë 24 orëve të fundit, nuk ka asnjë rast të vdekjes së pacientëve nga Covid 19, 46 qytetarë e kanë fituar betejën me virusin Covid 19, ndërsa nga 711 testime që janë bërë, pozitiv kanë rezultuar 33!”, ka shkruar Zemaj në Facebook. Kujtojmë se numri i rasteve me COVID-19 po shkon drejt rënies dhe numri i vdekjeve po ashtu.//gazetametro.net
