Një person është arrestuar sot nga Policia e Kosovës nën dyshimin për përfshirje në krime lufte kundër popullsisë civile gjatë periudhës së luftës në Kosovë.
Burime të Sinjalit konfirmojnë se arrestimi është bërë në bazë të një urdhër-arresti të lëshuar nga Prokuroria Speciale e Republikës së Kosovës, në bashkëpunim me Policinë dhe hetuesit e specializuar për krime lufte.
I dyshuari dyshohet se ka qenë pjesëmarrës në veprime që përbëjnë vepra penale të krimeve të luftës, përfshirë dhunë fizike dhe keqtrajtime ndaj civilëve në zonën e Mitrovicës dhe rrethinë, gjatë vitit 1999.
Aktualisht, i arrestuari ndodhet në ndalim policor dhe ndaj tij pritet të caktohet masa e paraburgimit. Hetimet janë në zhvillim nga Prokuroria Speciale, e cila nuk ka dhënë ende detaje shtesë për identitetin apo profilin e të dyshuarit, për shkak të ndjeshmërisë së rastit.
