Arratisja e vrasësit të 40-vjeçarit në Mitrovicë, Policia ende po e kërkon

Një ngjarje e rëndë ka ndodhur sot në Mitrovicë, ku një person ka humbur jetën si pasojë e plagëve të marra nga të shtënat me armë zjarri, shkruan Sinjali.

Sinjali mësoi sot gjatë ditës se viktima është 40-vjeçari, Florim Zeqiri, cili nuk i mbijetoi plagëve nga arma e zjarrit dhe vdiq në Qendrën Klinike Universitare të Kosovës.

Ndërkaq, Sinjali mëson se personi i dyshuar për vrasjen e 40-vjeçarit ende është në arrati dhe se Policia e Kosovës po punon me intensitet të lartë për kapjen e tij.

Nga Policia thuhet se rrjedha hetimore është duke vazhduar në koordinim me prokurorin e rastit në drejtim të identifikimit dhe arrestimit të të dyshuarit dhe zbardhjes së plotë të të gjitha rrethanave që ndërlidhen me rastin e veprës penale vrasje.

Sinjali do t’iu mbajë të informuar për çdo risi nga ky rast.

/GazetaSinjali/