Amin Hot pas vendimit për t’u larguar: Kalova tre vite të paharrueshme, koha të them lamtumirë

KB Trepça sot njoftoi se lojtari Amin Hot do të largohet nga klubi, shkruan Mitrovica SOT

Hot po largohet pas tre viteve në KB Trepça.

Klubi poashtu bëri të ditur se i ka ofruar atij vazhdimin e kontratës porse ky i fundit ka preferuar të vendosë të largohet.

Amin Hot ka reaguar pas lajmit për largimin e tij.

Ai tha se pas tre viteve të paharrueshme është koha për lamtumirë.

Tutje, ai shtoi se ka qenë vendim i vështirë porse i qëndron prapa.

Hot ka falënderuar klubin, bashkëlojtarët dhe tifozët.

Postimi:

Kam kaluar tre vite të paharrueshme në klub, tani është koha të them lamtumirë. Vendim i vështirë, por është vendimi im, dhe i qëndroj prapa çdo vendimi që marr.
Falënderoj të gjithë trajnerët, bashkëlojtarët, vëllezërit, miqtë dhe tifozët e shkëlqyer që më përkrahën gjatë gjithë kësaj kohe. Falënderoj njerëzit që më dhanë mundësinë të jem pjesë e familjes gjelbër e zi.
Jam krenar për të gjithë trofetë që fituam, gjithmonë do t’i kujtoj ato momente të mrekullueshme.