Ambasadori italian në Kosovë, Nicola Orlando ka përgëzuar deputetët e zgjedhur të Kuvendit dhe pret që të themelohen shpejt institucionet dhe të zgjidhet presidenti.
Orlando ka shkruar në Twitter se ka shumë punë për të bërë nga ana e institucioneve të reja dhe s’ka kohë për të humbur.
Congratulations to all new deputies of #Kosovo!
We look forward to a swift formation of Assembly & Government as well as election of President. Lots to do to fight pandemic, strengthen economy & Rule of Law, & progress towards Euro-Atlantic integration. No time to lose!
🇮🇹🇪🇺🇽🇰 https://t.co/kFWDONBcyH
— Nicola Orlando (@nicolaorlando) March 13, 2021
“Urime të gjithë deputetëve të rinj të Kosovës. Mezi presim për një formim të shpejt të Kuvendit dhe Qeverisë gjithashtu edhe zgjidhjen e presidentit. Shumë punë për të luftuar pandeminë dhe për të forcuar ekonominë, Rendin dhe Ligjin dhe progresin drejt integrimit euro-atlantik. S’ka kohë për të humbur”, ka shkruar Orlando.
Ndryshe, Komisioni Qendror i Zgjedhjeve ka bërë sot certifikimin e rezultateve të zgjedhjeve të 14 shkurtit.
Në zgjedhjet parlamentare të 14 shkurtit fituese ka dalë Lëvizjen Vetëvendosja me 50.28 % të votave dhe pritet të ketë 58 deputetë në Kuvendin e Kosovës, shkruan Reporteri.net.
E dyta renditet PDK-ja me 17 % apo 19 deputetë dhe LDK-ja me 12.73 % renditet partia e tretë, apo me 15 deputetë.
AAK-ja fitoi 7.12% dhe pritet që në Kuvendin e Kosovës të përfaqësohet me 8 deputetë.
Lista Srpska ka fituar 10 vendet e rezervuara në parlamentin e Kosovës, ndërsa 10 vende u takojnë pakicave jo serbe.