Kuvendi i Kosovës ka zgjedhur dje 8 anëtarë të Bordit të Radio Televizionit të Kosovës.
Ambasada britaneze në Prishtinë e ka lavdëruar këtë proces duke thënë se ky është një shembull i shkëlqyer i transparencës.
“E lavdërojmë procesin e realizuar nga Kuvendi i Kosovës për përzgjedhjen e përgjegjshme, meritokratike, profesionale dhe të balancuar gjinore të kandidatëve për Bordin e Radio Televizionit të Kosovës. Procesi i rekrutimit është po aq i rëndësishëm sa edhe rezultati. Ky ishte një shembull i shkëlqyer i transparencës dhe bashkëpunimit me organizatat e shoqërisë civile, të cilat ne i lavdërojmë për ushtrimin kaq të mirë të funksionit të tyre mbikëqyrës. Demokracia në veprim”, thuhet në postimin e tyre në Twitter.
1/2
We commend the process carried out by the Assembly of Kosovo on the accountable, meritocratic, professional, and gender balanced selection of candidates for the Board of Radio Television of Kosovo. The recruitment process is just as important as the outcome.— UK in Kosovo 🇬🇧 (@UKinKosovo) December 7, 2021
Prej 8 anëtarëve të rinj, katër janë gra ndërsa katër burra.
Anëtarët e zgjedhur të bordit të RTK-së janë Fatime Lumi, Arta Berisha, Albulena Mehmeti, Shukrije Rama, Driton Hetemi, Besnik Boletini, Safet Kabashaj dhe Bekim Selo. Disa nga anëtarët kanë mandat 4-vjeçar, disa 3, teksa disa të tjera edhe mandat 2-vjeçar.
Nga radhët e komunitetit serb nuk ka pasur asnjë të zgjedhur sic e kërkon procedura. Për këtë pozitë kërkohet rishpallja e konkursit.