Është duke vazhduar aksioni për konfiskimin e banesës dhe restorantit të Radojçiqit në Veri.
Zëvendësdrejtori i Policisë për rajonin e veriut, Veton Elshani, dha detaje në emisionin “Frontal” të T7.
“Ende është në vazhdim e sipër. Është marrë vendim nga Gjykata që pasuria të konfiskohet në 3 lokacionet. Villa tek Ujmani, Restorant Grey në Mitrovicë të Veriut dhe një apartament në katin e gjashtë të asaj ndërtese. Pasi është marrë vendimi i Gjykatës, po implementohet nga Agjencia për Sekuestrim të Pasurisë. Ne jemi ne asistim te tyre. Këto janë të Millan Radojçqiqit”, tha Elshani.
Ai foli edhe për gjendjen e sigurisë në Veri.
“Rezistenca me rastin e Banjskës ka përfundu. Ne jemi këtu. Kemi patrullën duke asistuar. S’ka pikë problemi. Situata e sigurisë është delikate por kemi dërgu mesazh qe ne jemi këtu. Nëse ka grupe kriminale le te bojnë të veten, ne e bëjmë tonën”, ka thënë ai.
