Dy persona janë lënduar si pasojë e një aksidenti që ndodhi para pak minutash në Magjistralen Mitrovicë – Pejë.
Lajmin për Gazetën Sinjali e ka konfirmuar zëdhënësi i policisë për rajonin e Mitrovicës, Avni Zahiti, i cili tha se në këtë aksident kanë qenë të përfshira tri automjete.
“Një aksident me të lënduar është raportuar të ketë ndodhur rreth orës 14:00, në rrugën Magjistrale Mitrovicë – Pejë, përkatësisht në segmentin rrugor në fshatin Broboniq. Të përfshira në këtë aksident janë dy automjete dhe një kamion. Si pasojë e aksidentit dy persona kanë pësuar lëndime”, tha Zahiti./Gazeta Sinjali/
