Aksident mes veturës dhe dy motoçikletave, një person në gjendje të rëndë

Ditën e sotme një aksident mes një veture dhe dy motoçikletave ka ndodhur në Prishtinë, tek “Kafet e Vogla”.

Rastin e ka konfirmuar për gazetën online Reporteri.net, zëdhënësja e policisë për rajonin e Prishtinës, Flora Ahmeti.

Ajo ka bërë të ditur se nga ky aksident janë lënduar tre persona.

“Sot rreth orës 11:30, në rrugën “Fehmi Agani” në Prishtinë, ka ndodhur një aksident trafiku, ku janë përfshirë një automjet dhe dy motoçikleta. Si pasojë e aksidentit janë lënduar tre persona. Me rastin po merret njësiti i trafikut”, ka thënë Ahmeti për Reporteri.net.

Njëri nga të lënduarit është në gjendje më të rëndë shëndetësore, pasi i njëjti ka lëndime në kokë dhe unaza.

Avdush Bajgora mjek në Qendren Emergjente të QKUK-së ka dhënë detaje lidhur me gjendjen e të lënduarit në këtë aksident. Bajgora ka thënë për Indeksonline-n, se gjendja e tij është e rëndë.

“Pacienti i cili është aksidentuar dhe po trajtohet në Klinikën Emergjente, është në gjendje të rëndë. Ai ka lëndime trupore në kokë, unaza dhe esktremitete”, ka thënë Avdush Bajgora, mjek në Qendren Emergjente të QKUK-së për Indeksonline.