Rrahje mes katër personash në Mitrovicë, dy nga ta bëhen për spital

Policia ka arrestuar dy persona në Mitrovicë, pasi kanë sulmuar fizikisht dy të tjerë.

Policia ka bërë të ditur se dy të dyshuarit janë dërguar në mbajtje.

“Janë arrestuar dy të dyshuar meshkuj kosovarë pasi që të njëjtit pas një mosmarrëveshje verbale, i kanë sulmuar fizikisht me mjet të fortë dy viktimat meshkuj kosovarë të cilët kanë pësuar lëndime trupore dhe kanë pranuar tretman mjekësor. Pas intervistimit me vendim të prokurorit, dy të dyshuarit janë dërguar në mbajtje, rasti është duke u hetuar”, thuhet tutje në raportin e policisë.