Afrim Bunjaku, është polici i cili mbeti i vrarë gjatë operacionit policor të zhvilluar në fshatin Banjskë të Zveçanit, në veri të vendit.
Ai u vra në një sulm të armatosur në orët e para të ditës së diele, ku njësitet policore kishin shkuar për t’i larguar disa kamionë që ishin vendosur duke bllokuar rrugën.
E për rreshterin e ndjerë ka folur komshiu i tij Ekrem Merovci.
Ai për Klan Kosovën tha se miku i tij i fëmijërisë e ka pasur pasion punën që bënte.
“Afrimi e ka dashur shumë uniformën e Republikës së Kosovës”, tha Merovci.
Në sulmin e organizuar, u plagos edhe një pjesëtar i policisë, i cili është jashtë rrezikut për jetën./klankosova
