Presidenca: Dy policë të Kosovës u ndaluan nga BIA në Serbi

Blerim Vela, shef i stafit në kabinetin e presidentes së Kosovës, Vjosa Osmani, ka treguar se javën e kaluar, Policia e Serbisë i ka ndaluar dhe intervistuar dy pjesëtarë të Policisë së Kosovës.

Ai bëri të ditur se zyrtarët e PK-së po kalonin transit në kufi, raporton Paparaci. Sipas tij,kjo është dëshmi e veprimeve të paligjshme të Serbisë.

“Javën e kaluar, policia e Serbisë dhe BIA ndaluan/intervistuan dy pjestarë të Policisë së Kosovës në kufi, teksa po kalonin transit. Kjo është dëshmi e veprimeve të paligjshme të Serbisë që pengojnë lirinë e lëvizjes”, shkroi ai në Twitter.

“Në vend që të bashkojë forcat me Kosovën për të luftuar krimin ndërkufitar, Serbia e bën të kundërtën!”, tha Vela nga Presidenca e Kosovës.

Last week, Serbia’s police & BIA stopped/interviewed 2 Kosovo
Police officers at the border as they were transiting.

This is evidence of SRB’s illegal actions that hinders freedom of movement.

Instead of joining forces with 🇽🇰 to fight cross-border crime, SRB does the opposite!

— Blerim Vela (@Blerim_Vela) May 1, 2023