Vuçiq pretendon se nëntë shtete kanë tërhequr njohjen e Kosovës, publikon emrat e tyre

Presidenti serb, Aleksandar Vuçiq ka regjistruar sonte paraqitjen vjetore, duke publikuar kështu të arriturat e vendit që drejton.

Nga pallati presidencial, siç transmeton media pro-regjimit të Vuçiqit, Kurir.rs, i pari i serbëve ka folur edhe për njohjet e Kosovës.

Somalia, Burkina Faso, Gabon, Estwatini, Lybia, Guinea, Antigua dhe Barbuda, Saint Lucia dhe Maldivet, sipas Vuçiqit, kanë tërhequr njohjen.

“Na presin sfida të vështira sa i përket Kosovës. Ne nuk kemi provokuar askë. Nuk kemi bërë asnjë incident. Si mund të quhet provokim kur mbrohet Kushtetuta jonë. Janë 106 vende që nuk e njohin Kosovën. Nëntë prej tyre e kanë tërhequr. Tri janë edhe më tutje në mëdyshje”, shtoi tutje ai.

Përveç kësaj çështjeje, Vuçiq ka folur edhe për gazsjellësin dhe editorialin e Zeit. Këtu përmendi edhe ish-kancelaren Angela Merkel, duke thënë se kur ishte ajo, ka qenë më mirë.