Një vjedhje e rëndë ka ndodhur dje rreth orës 14:40, ku hajnat kanë hyrë brenda një banese në rrugën ‘Mbretëresha Teutë’ në qytetin e Mitrovicës.
Burimet e Gazetës Sinjali bëjnë të ditur se rastin e ka denoncuar e zonja e shtëpisë, e cila ka deklaruar se dikush ia ka marrë asaj stolitë e arit në vlerë të 17 mijë eurove.
Sipas saj nuk vërehet se ka pasur hyrje me forcë, pasi që dera e banesës nuk ka pasur dëme të dukshme, por që ajo është hapur me çelës.
Momentalisht nuk ka persona të dyshuar, teksa njësitet policore kanë nisur hetimet për të identifikuar personat e dyshuar.
Me vendim të prokurorit, rasti është iniciuar ‘Vjedhje e rëndë’.
