Murati tregon se kur do t’u dalin 100 eurot e Qeverisë punëtorëve të sektorit privat

Ministri i Financave, Hekuran Murati, ka mbajtur një konferencë për media ku ka treguar se kur do t’u dalin 100 eurot e Qeverisë punëtorëve të sektorit privat dhe studentëve.

Ai ka bërë me dije se procesi është ende i hapur dhe se janë duke u pritur aplikimet, shkruan lajmi.net.

Murati shtoi se javën tjetër do të bëhet një Komision Shqyrtues për të vlerësuar aplikimet e më pas do të fillojë ekzekutimi i pagesave.

“Procesi është ende i hapur dhe po presim aplikimet. Prej javës së ardhshme e tutje do të formohet Komisioni Shqyrtues ku do të trajtojë aplikimet dhe pastaj do të mund të fillojë pagesa për këtë kategori”, bëri të ditur Murati.

Ndërkaq për studentët, Murati bëri të ditur se platforma e aplikimit është drejt finalizimit dhe së shpejti do të hapet. /Lajmi.net/