Mediat kosovare mbrëmë raportuan se dy kosovarë kishin mbërritur në kufirin Poloni-Ukrainë, që për qëllim kishin të shkonin të luftonin krah forcave ukrainase.
Dy kosovarët nga qyteti i Suharekës të cilët jetojnë në Francë, ishin në dijeni të plotë për rrezikun të cilin mund të kishin përballë atje ku do shkonin.
Rrezik nga përndjekja e ligjeve të Kosovës kanë edhe nga shteti i Kosovës, pasi që më 2015 Kosova miratoi ligjin kundër pjesëmarrjes së qytetarëve të saj në luftërat e huaja, kjo vepër është e dënueshme nga 3 deri në 15 vite burg.
Ndërsa sot dy kosovarët janë kthyer mbrapsht nga autoritetet polake, të cilët i kanë marrë në pyetje për disa orë, dhe nuk janë lejuar të hyjnë në tokën ukrainase.
Të dy kosovarët kanë pasaporta kosovare dhe janë të pajisur me viza shëngen./gazetametro.net
