Një lagje në Kansas solidarizohet me fqinjët kosovarë, mbush rrugët me flamuj të Kosovës

Një shtetas amerikan ka treguar se si në shtëpitë dhe rrugët e lagjes së tij janë vendosur flamuj të Kosovë për të shënuar 14-vjetorin e Pavarësisë.

Jon Fanelli, nga shteti Kansas në SHBA, ka shkruar në Twitter se janë solidarizuar me fqinjët e tyre nga Kosova, pasi ka mësuar se kosovarët festojnë 4 Korrikun, Ditën e Pavarësisë së SHBA-së.

“Fqinjët tanë janë nga Kosova dhe na treguan se si e festojnë 4 Korrikun në solidaritet me SHBA-në. Gjysma e lagjes sime vendosi që ne t’ia kthenim nderin dhe po vendosim flamujt e Kosovës për Ditën e Pavarësisë së tyre sot”, ka shkruar Fanelli.

Our neighbors are from Kosovo and told us how they celebrate on the 4th of July in solidarity with the US. Half my street decided we'd return the favor and are flying Kosovo flags for their Independence Day today! pic.twitter.com/2wOuxCgCXr

— Jon Fanelli 🇺🇸🇺🇦 (@FanelliJon) February 17, 2022