Deputeti i Aleancës për Ardhmërinë e Kosovës, Pal Lekaj është parë sot të marr pjesë në protestën e organizuar nga Partia Socialdemokrate për të kundërshtuar rritjen e çmimit të energjisë elektrike.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Se ka marrë pjesë në këtë protestë e ka konfirmuar vet Lekaj për Express.
“Po isha si deputet”, tha shkurt ai.
Ndërkohë, AAK-ja përmes një reagimi për media dje kanë thënë se nuk janë pjesë e organizimit të kësaj proteste.
“Aleanca për Ardhmërinë e Kosovës nuk është pjesë e organizmit të protestës së të shtunës, kundër shtrenjtimit të energjisë elektrike. Ne kuptojmë shqetësimin e secilit për këtë çështje, njëherësh prapë i bëjmë thirrje Qeverisë që të tërhiqet nga shtrenjtimi i rrymës. Gjithashtu, ne respektojmë vullnetin e secilit për pjesëmarrje në këtë protestë dhe apelojmë që të respektohen masat anticovid”, thuhej në njoftimin për media të AAK-së.
Në protestë u pa edhe deputeti i PDK-së, Hisen Berisha.
