Albin Kurti, kryetari i Vetëvendosjes, ka thënë se votën për formimin e Qeverisë e ka siguruar edhe nga pakica boshnjake. Ai këtë e bëri të ditur me anë të një postimi në rrjetin social Facebook, transmeton Klan Kosova.
“Znj. Emilia Rexhepi do të jetë sërish deputete boshnjake në Kuvendin e Kosovës. Ajo e konfirmoi votën e saj për mua si kryeministër dhe për qeverinë tonë të re”.
“Sërish në “Ambient” të Prizrenit u takuam dhe biseduam për sfidat e qeverisë sonë për zhvillim ekonomik, për reformë arsimore, sundim të ligjit, demokratizim dhe barazi sociale, që nuk përjashton askënd. Diskutuam edhe për forcimin e lidhjeve institucionale me Sanxhakun dhe Sarajevën, ka shkruar Kurti.
