Ministrja e Mbrotjes së Shqipërisë, Olta Xhacka, ka bërë postimin e radhës duke ndier sado pak gabimin e bërë në postimin e parë, por ani pse i ka rënë pishman, ajo nuk ka bërë kërkim falje, madje ka justifikuar disi postimin e saj, por ajo është kapur me Berat Buzhalën, pasi ky i fundit bëri postim ndaj saj duke e thumbuar atë, shkruan Gazeta NewBorn.
E pas deklaratës të saj së dytë, ka reaguar edhe Berat Buzhala.
Postimi i Buzhales:
Ok, Ministre, po e zeme qe rastesisht nuk qenkan ushtaret e FSK’se, e jo qe paska pase nje planifikim malicioz prej jush.
Sido qe te jete, nese don me te besu qe e verteta eshte keshtu sic ti po thua, atehere kerkoji Shefit qe ta heq taksen e rruges per shqiptaret e Kosoves dhe ne do te jetojme te lumtur dhe bashkuar per jete te jeteve.
Kosoven ju po e ndani, kur po them Ju po mendoj qeveria e juaj, e jo ne, e jo une. Une ne fakt po bej cdo gje qe mund te beje nje shqiptar per t’i bashkuar dy shoqerite. Po diskutoj pa komplekse per defektet ne qeverisje, andej dhe kendej kufirit.
Krejt ne fund: une njemend mendoj qe Rama cdo dite e me teper po ushqen urrejtje patologjike per Kosoven 🤷♂️. Pastaj ju te tjeret nuk jeni aty per te menduar.
By the way: a rrezikoj me u arrestu pas plasimit te ketij lajmi? A mos kam perhape panik? 🤦♂️
Postimi i Olta Xhacka:
Është e shëmtuar të bësh politikë në këto ditë tragjike. Por është perverse që pikërisht sot, të përpiqesh të mbjellësh farën e dasisë mes shqiptarëve këndej e andej kufirit. E bëj këtë sqarim, jo për t’ju përgjigjur atij që e hodhi në shesh këtë teori të shëmtuar, por për hatër të gjithë atyre, që me të drejtë, shqetësohen kur dëgjojnë nga goja e një figure publike të flitet për urrejtje patologjike për Kosovën e mosmirënjohje të Ministrit të Mbrojtjes për djemtë e shkëlqyer të FSK.
Postimi në FB të cilit i referohet ky pretendim i turpshëm erdhi pas një takimi të paplanifikuar paraprakisht me disa nga specialistët, që na kanë ndihmuar aq shumë në këto ditë tragjike. Rastisëm aty dhe ata që rastisën aty i takuam e i falenderuam. Aty nuk ishin djemtë e FSK, por nuk ishin po ashtu as kontigjentët amerikanë, kroatë, zvicerianë, grekë, serbë e izraelitë që po ashtu u bënë pjesë e operacioneve të kërkim shpëtimit. Sepse, ndryshe nga sa mendon analisti që e ngriti këtë stuhi në gotë, të gjithë këta burra e gra kanë ardhur këtu për të e punuar e shpëtuar jetë e jo për të bërë foto për FB e për të marrë dekorata.
I kam falenderuar unë e nuk ka ngelur përfaqësues i qeverisë jo e jo, po nuk ka ngelur shqiptar pa i falenderuar e pa u ndjerë krenar për punën e jashtëzakonshme të ekipit të FSK. Nuk kam pasur unë e nuk ka pasur asnjë shqiptar kurrë dyshim që vëllezërit kosovarë do na gjendeshin në orën tonë të tragjedisë, ashtu si ju gjendëm ne atyre kur tragjedia kish pllakosur andej kufirit. Ju jemi gjendur e na janë gjendur e do t’ju gjendemi e do na gjenden, jo sepse këto i shohim si mundësi për të bërë foto për FB, por sepse jemi një popull.
Gjatë këtyre ditëve shqiptarët ia dolën të mahnisin botën mbarë me solidaritetin mes tyre. Është vërtet një turp i madh, në fakt është perverse, që në këtë situate të marrësh e të nxjerrësh një postim në FB nga një takim spontan e ta përdorësh pastaj me një poshtërsi të tillë si provë për një urrejtje patologjike mes shqiptarëve. E kuptoj luftën politike dhe kritikën politike. E kuptoj dhe e pranoj edhe pse të bësh politikë në kohën e një tragjedie të tillë është vërtet e ulët. Ama ndjej neveri, asgjë veç neverisë e përçmimit, për këdo që bën politikë duke nxitur dasinë mes shqiptarëve. Turp!
E shtuar:
Ministrja e Mbrojtjes së Shqipërisë ka injoruar FSK-në pasi ka falënderuar të gjithë ata që ndihmuan Shqipërinë pas tërmetit.
Ministrja e Ministrisë së Mbrojtjes së Shqipërisë, Olta Xhacka, ka falënderuar të gjithë ata që dhanë kontribut për popullin shqiptar pas tërmetit në Durrës. Por, Xhacka ka zgjedhur të injorojë ndihmën e shtetit të Kosovës duke mos e përmendur e as publikuar ndonjë fotografi të ushtrisë apo policisë së Kosovës.
Xhacka nuk ka përmendur e as nuk ka vendosur ndonjë fotografi të Forcës së Sigurisë së Kosovës, Policisë së Kosovës dhe popullit kosovar që dhanë kontributin e tyre. Por, në postimin e saj nuk ka harruar të publikojë fotografi të njësiteve speciale të Turqisë, Rumanisë, Italisë dhe Francës.
Ajo falënderoi 250 specialistët nga vendet fqinje, mike e partnere. Por nuk u “kujtua” që të vendoste të paktën një fotografi të FSK’së apo Policisë së Kosovës karshi njësiteve tjera speciale.
Ministrja në fund tha se një komb i tërë u është mirënjohës!
Por pas këtij postimi ku nuk u pa fare Kosova e as FSK-ja apo Policia, polici i Kosovës ka bërë një koment tek ai.
