Një grabitje e armatosur ka ndodhur rreth orës 18:30 në Mitrovicën jugore.
Policia e Kosovës ka bërë të ditur se grabitja ka ndodhur në rrugën “Nexhip Draga” nga dy persona të armatosur.
“Njësitet përkatëse policore kanë dalë në vendngjarje, bazuar në të dhënat e para dyshimet janë ngritur se grabitja është kryer prej dy personave, të cilët nën kërcënimin e armës, kanë grabitur një shumë parash, nga punëtorja e barnatores dhe janë larguar nga vendi i ngjarjes. Nuk raportohet për persona të lënduar”, ka thënë zëdhënësi i policisë për rajonin e Mitrovicës, Avni Zahiti për lajmi.net.
