Kryetari i Federatës së Futbollit të Kosovës, Agim Ademi, ka zbuluar në ‘Sports Show’ në Klan Kosova se te Kosova do të ketë vitin e ardhshëm prurje të reja. Ai nuk ka treguar emra, por ka lënë të kuptohet se futbollistët që do t’i bashkohen Kombëtares së Kosovës, do të jenë ‘me emra’. Ai la te kuptohet se mund të jetë edhe Meritan Shabani i Bayern Munich. “Dy ose tre futbollistë që luajnë në Zvicër ose në Gjermani. Tash mendoni ju kush do të jenë. Janë futbollistë me emra. Janë jashtëzakonisht të mirë. Lojtarë të kalibrit si te Bayern Munich”, tha Ademi.
