E shtuna dhe e diela e fundit e tetorit parashikohet të jenë me mot të kthjellët, koha e ngrohtë do të vijojë deri të hënën.
Njoftimi i plotë:
Në fundjavë mbetet mot kryesisht me diell, e orëve të mëngjesit ftohtë e me ngrica dhe mjegull në ultësira. Javën e ardhshme mot i ndryshueshëm me mundësi edhe për reshje shiu.
29.10.2021 – Dy ditëve të fundit të tetorit mbetet mot i qëndrueshëm, me kthjellime e diell, por me mëngjese të ftohta e me ngricë, e në ultësira me kushte për mjegull.
Ditën e hënë vransirat shtohen, e më vonë në mbrëmje me mundësi edhe për reshje lokale shiu, që vazhdojnë edhe mëngjesin e së martës. E pasditen e së martës do të mbajë mot më i butë e me kthjellime. Ditën e mërkurë sërish pritet shtim i vransirave, e në pjesën e dytë të javës me mundësi edhe për të reshura shiu.
Indeksi i cilësisë së ajrit do të jetë në vlera mesatare dhe të pranueshme, e gjatë periudhave të qetësisë do të kaloj edhe në vlera të dobëta.
30.10 – Kryesisht me diell. Në mëngjes ftohtë, e në vise të ulëta me kushte për mjegull apo mjegullinë.
31.10 – Pas mëngjesit të ftohtë, me mjegull përgjatë ultësirave, ditën kryesisht me diell.
1.11 – Në mëngjes ftohtë, me mjegull përgjatë ultësirave. Paradite kryesisht me diell, e gjatë ditës vransirat do të shtohen, e në mbrëmje më vonë me mundësi edhe për reshje lokale shiu.
2.11 – Në mëngjes vranët dhe me shi. Pasdite më butë e me erë, vransirat shpërndahen e priten edhe kthjellime.
3.11 – Kryesisht me vransira, e vonë në mbrëmje priten reshje lokale shiu.
Temperaturat minimale luhaten ndërmjet -2C e 0C, e të martën shënojnë rritje deri në 5C, ndërsa maksimalet luhaten ndërmjet 14C e 16C, me një rritje ditën e martë deri në 18C.
Era do të fryjë e lehtë dhe mesatare kryesisht nga jugu e juglindja 2-8m/s, të martën me hove edhe deri në 16m/s.
Shtypja atmosferike gradualisht në rënie, edhe nën vlera normale ditën e martë./arbresh.info/
