Familjes Arifi nga Gjilani i kanë vdekur dy anëtarë të familjes nga koronavirusi. Përgjatë ditës së djeshme, u raportua se kanë vdekur nënë e bir si pasojë e komplikimeve nga koronavirusi.
Një gjë të tillë e konfirmoi kryetari i Komunës së Gjilanit, Lutfi Haziri. Mediumi ka arritur të marrë në prononcim nga familjari, i cili u nis nga mërgimi pasi dëgjoi se anëtarët ishin keq.
“Kur erdha kenë në spital në Gjilan, e nana u kanë në shpi. Këto se kena qu, e kena mbajtë me oksigjen në shpi, s’mujtëm me e shpëtu. Të njëjtën kohë kur iu keqsojke gjendja vëllait në spital, ai më vetke për nanën, nana për vëllain”, deklaroi ai.
