Në Kosovë po vazhdon rritja e përditshme e rasteve të infektimit me koronavirus, shkruan Mitrovica SOT.
E komunat ku po vërehet një trend i rritjes së rasteve është edhe Mitrovica, e cila në 24 orët e fundit ka shënuar 14 raste të reja.
Ndryshe, në nivel vendi në 24 orët e fundit janë regjistruar 269 raste të reja dhe numri total i rasteve aktive ka shkuar në 1903.
Rritja e shpejtë e rasteve të reja e kohëve të fundit në nivel vendi vjen pas një periudhe të rënies drastike dhe vjen si pasojë e paraqitjes së variantit më të ri të koronavirusit, atij Delta, për të cilin shkencëtarët tashmë kanë njoftuar se është më infektiv në krahasim me variantet e tjera.
