Trajneri i kombëtares së Kosovës, Bernard Challandes thekson se nuk e planifikon asnjëherë të ardhmen, por shpreson se do të qëndrojë në Kosovë. Challandes thekson se është i kënaqur në Kosovë dhe aktualisht po mendon vetëm për kualifikimin në kampionatin evropian, raporton GazetaBlic.
“Jam shume i kënaqur këtu. E kam në kokë kualifikimin në EURO 2020. Une nuk jam i ri, por unë nuk e planifikoj shumë të ardhmen, por mund të them se do te qëndrojë nëse populli i Kosovës dhe ekipi i Kosovës më dëshirojnë dhe nësë mund të sjellë diçka, por nuk varet prej meje”, përfundoi ai. Vlen të theksohet se Challandes mund të na dërgojë në evropian, me anë të Ligës së Kombeve, ku Kosova do të përballet me Maqedoninë e Veriut në gjysmëfinale dhe nëse kalon këtë duel do t^ luajë ndaj fituesit të takimit Gjeorgji – Bjellorusi. /GazetaBlic
