Profesori universitar dhe po ashtu këshilltari politik i Kadri Veselit, Blerim Latif ka thënë se mos të vazhdojmë të sillemi sikurse sharlatanë pask komb kosovar nuk ka, transmeton Gazeta Metro.
Latifi ka thënë se termi ‘Kombëtarja e Kosovës’ është term teknik i vlefshëm vetëm në gjuhën e sportit, kurse jashtë kësaj ai është zbrazët.
Ai ka porositur të gjithë që mos të sillen si sharlatanë dhe të bëhen më katolikë se papa, pasi nuk ka komb kosovar.
Postimi i plotë nga Latifi:
Termi “Kombëtarja e Kosovës” është term teknik, i vlefshëm në gjuhën e sportit, ndërsa jashtë kësaj gjuhe ky term është i zbraztë, pa referencë. Për një arsye të qartë: nuk ka komb kosovar. Të gjitha kombet në Ballkan janë produkte të nacionalizmit etnik, përfshirë edhe nacionalizmin shqiptar. Jashtë kuadrit ideologjik të nacionalizmit shqiptar, çlirimi dhe pavarësia e Kosovës e humbin kuptimin e tyre. Ideja për të ndërtuar një komb multietnik nuk po funksionon as në Bashkimin Evropian, e lëre më në Ballkan. Ne nuk duhet të vazhdojmë të sillemi si sharlatanë, e të tregohemi ma katolikë se Papa./gazetametro.net