Instituti Hidrometeorologjik i Kosovës (IHMK) parasheh që këtë të enjte vendi të përfshihet nga reshjet e shiut të cilat do të shoqërohen edhe me rrufe.
Ndërsa temperaturat minimale do të mbesin pothuajse konstante,.
Temperaturat minimale parashihet të lëvizin ndërmjet 12-14 gradë Celsius, ndërsa maksimalet e ditës do të lëvizin ndërmjet 24-25 gradë.
“Parashihet të mbajë mot i vranët dhe me intervale me diell. Vranësirat parashihen të sjellin reshje shi të shoqëruara me shkarkime rrufesh, kryesisht ditën e enjte edhe pse ka tendenca që rreth relievit malor të ketë riga shiu edhe ditën e mërkurë. Në fushat termike parashihet rënie kryesisht në vlerat e maksimaleve, derisa temperaturat minimale mbesin po thuaj konstante me ditët e fundit.”
“Temperaturat minimale do të lëvizin ndërmjet 12-14 gradë Celsius, ndërsa maksimalet e ditës parashihen të lëvizin ndërmjet 24-25 gradë Celsius. Do të fryjë erë nga drejtimi i jugperëndimit me shpejtësi 1-11m/s”, thuhet në njoftimin e IHMK-së./Gazeta Sinjali/