Deputeti i VV-së, Armend Muja, ka folur për mundësinë e kandidimit të tij për kryetar të Mitrovicës, shkruan Mitrovica SOT.
Ai ka thënë se zakonisht nuk kërkon pozita, por la të nënkuptohet se nuk e përjashton mundësinë e kandidimit për kryetar të komunës.
“Kur jam kyç në VV, kemi menduar që kemi dhënë kontribut. E vërtetë është që në Mitrovicë kam pas mbi 11 mijë vota, për çka jam i lumtur. Vendi që është neglizhuar është Mitrovica. Gjithmonë jam munduar ta ndihmojë Mitrovicën. Zakonisht pozita nuk lypi. S’jam duke lyp pozita, por kur je në një parti nuk e përjashton që mund të angazhohet në diçka tjetër”, ka thënë Muja.
Tutje, Muja ka kërkuar nga Bahtiri që të ketë kujdes e të mos e implikojë në diskutime.