Emocionohet shefi i EULEX-it me portretin e Rugovës, e quan “babai i Kosovës moderne”

Shefi i misionit të EULEX-it në Kosovë, Lars-Gunnar Wigemark, ka takuar sot kreun e Lidhjes Demokratike të Kosovës, Lumir Abdixhikun. Lidhur me këtë takim ka njoftuar vetë Wigermark në profilin e tij zyrtar në Twitter, duke rikujtuar vizitën e parë në Prishtinë si diplomat suedez të realizuar në vitin 1992.

Wigermark thotë se atë botë kishte takuar ish-presidentin Ibrahim Rugova, të cilin Wigemark e quan edhe “babai i Kosovës moderne”.

“Përgjatë vizitës sime të parë si një diplomat i ri suedez në Prishtinë në gushtin e vitit 1992 isha i nderuar të takoja babain e Kosovës moderne dhe presidentin e saj të parë, Ibrahim Rugova. Të qëndruarit pranë portretit të tij me liderin e ri të partisë së vjetër të Rugovës, ishte një ndjenjë disi historike”, ka shkruar Wigemark.

During my first visit as a young Swedish diplomat to Pristina in August 1992, I was honored to meet the father of modern 🇽🇰 and its first President, Ibrahim Rugova. To sit next to his portrait with the new leader of Rugova’s old party LDK, @LumirAbdixhiku, somehow felt historic. pic.twitter.com/EFRQhmql1w

— Lars-Gunnar Wigemark (@LarsGWigemark) April 23, 2021