Ambasadori serb në SHBA, Marko Gjuriq, ka reaguar pas paralajmërimit të qeverisë Kurti për kthimin e masës së reciprocitetit me Serbinë dhe deklarimeve të anëtarit të VV’së, Fidan Ademi, për bashkimin me Shqipërinë.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Gjuriq, me anë të ‘Twitter’-it, ka thënë se këto veprime bien ndesh me ato çfarë po kërkon Sekretari amerikan i Shtetit, lidhur me dialogun Kosovë-Serbi.
“Sekretari i Shtetit i SHBA u dërgoi një vendim të saktë dhe të mençur krerëve të qeverisë së re në Prishtinë për ta bërë dialogun një nga përparësitë e tyre. Si reagojnë ata? Paralajmërojnë masën e reciprocitetit, bashkimin me Shqipërinë dhe kërkojnë ndjekje penale ndaj Sava Janjic. Duken premtuese”, ironizoi Gjuriq.
Ndryshe, ish-kandidati për deputet, Fidan Ademi, përgjatë një vizite në fshatin Stançiq të Gjilanit, ka paralajmëruar bashkimin e Shqipërisë, qoftë me luftë apo me referendum.
“Një ditë, patjetër, do bashkohet Shqipnia – prej grykë së pushkës, flakës së barotit a kutisë së referendumit!”, ka shkruar ai. /Gazeta Express