Shtetet e Bashkuara të Amerikës kanë deklaruar se do ta inkurajojnë Qeverinë e re që të vazhdojë dialogun sa po të formohet.
Kështu po bënë të ditur Edward Price, zëdhënësi i Departamentit të Shtetit të Shteteve të Bashkuara të Amerikës, ku ka shkruar se SHBA’të do të inkurajojnë Kosovën që të vazhdojë dialogun për normalizimin e marrëdhënieve me Serbinë.
Fjalët e zëdhënësit të Shtëpisë së Bardhë po i transmeton gazetarja e pavarur Cristina Maza me anë të Twitter-it, duke thënë se SHBA dëshiron që Qeveria e re e Kosovës të vazhdojë pikat e cekura.
“Edward Price tha se SHBA’të e urojnë popullin e Kosovës për mbajtjen me sukses të zgjedhjeve parlamentare. Kur bëhet fjalë për dialogun me Serbinë, SHBA’ja mbështet fuqimisht bisedimet për normalizim në kuadër të BE’së. Ne do të inkurajojmë qeverinë e re, sapo të formohet, të vazhdojë pikat e cekura”, ka shkruar Maza në Twitter.
