Këto janë pikat që pritet të diskutohen në mbledhjen e nesërme të Qeverisë

Qeveria e Kosovës pritet të mbajë mbledhjen e radhës të hënën në mëngjes.

Kabineti qeveritar që do të mblidhet në orën 08:30, në rend dite ka 22 pika, shkruan Zëri.info.

Nga pikat e rendit të ditës, nuk është asnjë prej tyre e cila lidhet me ligjin për Rimëkëmbje Ekonomike, apo masa të reja anti COVID-19.

Në mesin e pikave që pritet të shqyrtohen nesër nga Qeveria është projektligji për Lotarinë e Kosovës dhe Shqyrtimi i kërkesave për ndarjen e mjeteve financiare për Shoqatat e Familjeve të Dëshmorëve, Shoqata e Invalidëve të Luftës, Organizatës së Veteranëve të Luftës dhe Lidhjes së Pensionistëve të Kosovës të Kosovës.