Vjosa Osmani rikthen vulën e ish-presidentit Rugova, të cilën e kishte larguar Thaçi

Ushtruesja e detyrës së presidentes, Vjosa Osmani ka rikthyer në Presidencë stemën e ish-presidentit historik, Ibrahim Rugova.

Kjo është bërë e ditur në dokumentet e nënshkruara nga Osmani.

Konfirmimi i këtij veprimi u tregua në shpërndarjen e dekorimit, post mortem, me Medaljen Presidenciale të Meritave, për punonjësit shëndetësorë në Kosovë.

Ndryshe, largimi i vulës dardane ishte bërë nga ish-presidenti, Hashim Thaçi, me të marrë postin e të parit të shtetit.