Gjatë ditës së djeshme policia për rajonin e Prishtinës ka bërë të ditur se në 2 qytete të Kosovës, saktësisht në Fushë-Kosovë dhe Lipjan, në katër raste të ndara janë mashtruar qytetarët me para të falsifikuara, raporton IndeksOnline.
Rasti i parë i raportuar ka ndodhur në Fushë-Kosovë, ku ankuesja femër kosovare ka raportuar se gjatë verifikimit të parave të deponuara, ka hasur në një kartëmonedhë, që dyshohet të jetë e falsifikuar. Monedha e dyshuar është konfiskuar. Rasti nën hetime.
Ndërsa rasti i dytë i raportuar është në Lipjan, ku ankuesi mashkull ka raportuar se gjatë verifikimit të parave të deponuara, ka hasur në një kartëmonedhë, që dyshohet të jetë e falsifikuar. Edhe në këtë rast monedha është konfiskuar.
Një tjetër rast ka ndodhur sërish në Komunën e Lipjanit, ku një qytetare ka raportuar se gjatë verifikimit të parave të deponuara, ka parë një kartëmonedhë që dyshohet të jetë e falsifikuar.
Rasti i katër i raportuar është në Fushë-Kosovës, ku një qytetare ka raportuar se ka pranuar një kartëmonedhë që dyshohet të jetë e falsifikuar. Edhe në këto dy raste paratë janë konfiskuar, ndërsa policia kryen hetimet për to./IndeksOnline/
