I preferuar nga votuesit e PDK’së: Bekim Haxhiu fiton për herë të katërt me numrin 109

Brenda Partisë Demokratike të Kosovës pati shumë befasi në zgjedhjet e 6 tetorit, ku shumë figura të rëndësishëm të kësaj partie mbeten jashtë Kuvendit e kurse ndodhen edhe shumë befasi dhe emra të rinj që kanë fituar ulësen e deputetit për katër vjet mandat, transmeton Gazeta Metro.

Bekim Haxhiu ka fituar për herë të katërt garën për deputet të PDK’së në Kuvendin e Kosovës, madje atë me të njëjtin numër 109.

Haxhiu i cili nuk zgjedh shumë që të jetë në fillim të listës së kandidatëve për deputet, ai merr gjithnjë numrin 109 ku nga simpatizantët dhe votuesit e PDK’së votohet rregullisht.