Qeveria në detyrë e Kosovës ka marrë vendim që edhe barnatoret e licencuara në Kosovë të ushtrojnë veprimtaritë e tyre prej orës 06:00-17:00.
Sipas këtij vendimi, pas orës 17:00 veprimtaria e tyre do të organizohet përmes kujdestarisë. Barnatoret kujdestare po përcaktohen nga Ministria e Shëndetësisë, AKPPM në koordinim me Odën e Farmacistëve të Kosovës (OFK) dhe komunat përkatëse, autoritetet komunale. Ministria e Shëndetësisë, ka publikuar listën e barnatoreve kujdestare të ditës së sotme që do të punojnë pas orës 17:00 për të gjitha qytetet e Kosovës.
