Ambasadori i Amerikës në Kosovë, Philip Kosnett, ka konfirmuar se Qeveria e Kosovës ka pranuar 1.1 milionë dollarë nga Shtetet e Bashkuara të Amerikës, në përballjen me pandeminë e koronavirusit, shkruan Gazeta Metro.
Kosnett këtë e ka thënë në një video të shpërndarë në rrjetin social Twitter, ku ndër të tjera shtoi se bashkë mundet edhe virusi Covid-19.
“Qeveria e Kosovës ka pranuar 1,1 milion dollarë nga SHBA për të siguruar mbështetje operacionale dhe për të rritur aftësinë e reagimit të Kosovës për të ndaluar transmetimin e mëtejshëm dhe për të zbutur ndikimin e COVID-19. Së bashku ne mundim”, ka thënë ai.
Kosovo Government receives $1.1 million dollars from U.S. to provide operational support and increase Kosovo’s response capability to stop further transmission and mitigate COVID-19’s impact. #TogetherWeCan pic.twitter.com/D4CaIv4iL3
— Ambassador Philip S. Kosnett (@USAmbKosovo) March 30, 2020
