Humanisti dhe imami nga Shqipëria Elvis Naçi , iu ka drejtuar me një mesazh qytetarëve të Shqipërisë duke iu bërë thirrje atyre të qëndrojnë në shtëpitë e tyre, për të parandaluar rrezikun e shpërndarjes së koronavirusit.
Naçi ka cituar një mesazh të fortë fetar nga një Pejgamber a.s.
“Kush rri në shtëpi ka shërblimin e dëshmorit”.
Postimi i plotë:
SHPERNDAJE KETE MIRESI TE MADHE!!!
Kush rri në shtëpi ka shpërblimin e dëshmorit!
Në këtë kohë të vështirë të KoronaVirusit le t’i kthejmë sytë nga perlat Profetike.
Pejgamberi i Zotit a.s ka thënë: “S’ka ndonjë njeri, kur bie murtaja (epidemi), e ai qëndron në vendin (shtëpinë) e tij, durimtar, duke pritur shpërblimin, dhe duke e ditur se, nuk e godet asgjë pos asaj që Zoti ia ka shkruar atij, vërtet atij i takon si shpërblimi i dëshmorit.”
Kjo është kohë e njëjtë epidemie, ndaj qëndroni në shtëpi, merrni shpërblimin e Zotit, Ai shpërblen shumë. Ruani jetën e njëri-tjetrit. Zoti thotë; “Kush shpëton një jetë sikur ka shpëtuar gjithë njerzimin”
Te këshillojme njëri tjetrin për vepra të mira dhe për durim, si në Suren “El Asr” ( Pasha Kohen)
Zoti ju bekoftë shqiptarët e mi, jemi bashkë e rrini të qetë se Zoti as na ka lënë as na ka braktisur…