250 milionë euro ka ble dhe ka shitë rrymë ambasadori i preferumë i Albin Kurtit, Martin Berishaj – 250 MILIONË EURO!
Për këtë lloj sekserizmi, për këtë lloj tuxharllaku, Martini, ose kushdo që qëndron prapa Martinit, është pagu me 0.8 për qind në shitje, në transaksion.
Hulumtimi i plotë i Televizionit Publik të Sllovenisë: https://www.rtvslo.si/crna-kronika/nakazila-gen-i-martinu-berishaju-tozilstvo-zaznalo-sum-zlorabe-polozaja/751372?
Kur t’u ka ndalë ty rryma, që kanë ble për me ta pru ty rrymën, Martinit i ka pikë në xhirollogari 0.8 për qind e shumës.
Qiky 250 milionëshi, nëse e përkthejmë në transaksion për Martinin, ka kushtu 2 milionë e më shumë euro.
Nuk po e them unë – këtë e ka thënë në media të Sllovenisë kryetari i Bordit të GEN-I-it të Sllovenisë, Max Helbl.
Martini, të cilin ky pushtet e ruan si sytë e ballit tash e 6 vjet, biznesin e ka bërë me serbin Borisllav Antoviq, i cili ka qenë këshilltar financiar i GEN Beogradit.
Pra, jo GEN Sllovenisë, i GEN Beogradit, Borisllav Antoviq. Martini, dy kompanitë e veta, ku i kanë shku paret për ndërmjetësim, besoni ose jo, i ka themelu një muaj para se Vetëvendosja me i fitu zgjedhjet, në tetor të vitit 2019.
Në nëntor të vitit 2019, Vetëvendosja i ka fitu zgjedhjet. Prokuroria e Sllovenisë, para pak kohëve, pasi që e ka hetuar këtë rast, ka konstatu që këtu ka krim.
Borisllav Antoviq, i cili ka qenë këshilltar financiar i GEN Beogradit, thotë Prokuroria e Sllovenisë, është shtetas dhe thotë: ne kot e hetojmë, sepse marrëveshje nuk ka Sllovenia me Serbinë për ekstradim.
Prandaj, Prokuroria e Sllovenisë rastin ia ka bartë Prokurorisë së Serbisë. Rastin e krimit ekonomik të Martin Berishajt, qeverisë së Kosovës, aktualisht e ka në dorë Prokuroria e Serbisë. Rastin e Borisllav Antoviqit. Pra, krejt rajoni e di, ka fakte, që këtu ka krim. Ka krim të rëndë ekonomik.
Këtë e pranojnë të gjithë. Mirëpo, mjaft ironike, gati e pabesueshme, rasti është mbyllë në Prokurorinë e Serbisë, të cilët me gjasë nuk e kanë bërë më asnjë hap.
Pagesat e fundit me kesh, qysh e thonë edhe mediat sllovene: “Berisha tërhoqi pothuajse të gjithë paratë – plot 1.8 milionë euro – në dorë sapo ato vinin.”
Qysh e thotë edhe një raport i Krimeve Ekonomike të Kosovës, Martini i ka bërë diku në vitin 2022, rreth atij viti; këtu nuk ka dilema që Martini i ka marrë 1.8 milionë euro kesh. Këtë e thotë edhe media shtetërore e Sllovenisë.
Pyetja ime është, dilema ime është: kur është tërheqë Martini prej biznesit, kush ka vazhdu me marrë përqindje? Sepse tash ne këtë po e dimë, këtu paska përqindje. Qenka një tarifë 0.8 për qind në shitje. Kush e ka vazhdu këtë rrugë?
Pyetja tjetër është: Kosova i ka ble, vetëm blerje, në këto katër-pesë vitet e fundit, në gjashtë vitet e fundit, i ka një miliardë, sepse në katër vitet e fundit i ka 750 milionë. Duhesh me qenë tepër naiv mos me shtru një pyetje: A është qikjo arsyeja, a është tuxharllaku, sekserizmi, arsyeja pse Kosova nën Albin Kurtin nuk e ka ndërtu asnjë burim të ri energjetik?
Zero është rrit, ka rënie.
Pra, kanë vendos për shkak të këtyre pagesave që publiku nuk i sheh – se në tela të rrymës nuk shkruan përqindja e Martinit – a ka qenë qikjo forma ma e sofistikume, por njëkohësisht me bë biznes me terrin dhe dritën. Me energjinë elektrike, me GEN Beogradin, me marrë përqindje që ti mos me pa. Shumica e këtyre materialeve janë transmetu në televizionin publik slloven.